1న 'మా నాన్న చిరంజీవి'

ప్రైమ్ స్టార్ జగపతిబాబు కథానాయకుడుగా జయశ్రీ సమర్పణలో లాఫింగ్ లార్డ్ ఎంటర్ టైన్ మెంట్ పతాకంపై రూపొందిన చిత్రం 'మా నాన్న చిరంజీవి' (అంటే పేద్ద హీరో). అరుణ్ ప్రసాద్ ('తమ్ముడు' ఫేమ్) దర్శకుడు. కొత్త సంవత్సరం తొలి కానుకగా జనవరి 1న ఈ చిత్రం విడుదల కానుంది. విశాఖ టాకీస్ కు చెందిన నట్టికుమార్ ఈ చిత్రాన్ని ప్రపంచవ్యాప్తంగా రిలీజ్ చేస్తున్నారు.ఇదొక మంచి ఫ్యామిలీ డ్రామా అనీ, ఎంటర్ మైన్ మెంట్, సెంటిమెంట్ అందర్నీ ఆకట్టుకుంటుందనీ జగపతిబాబు తెలిపారు. 'ఇందులో నా క్యారెక్టర్ పేరు చిరంజీవులు. నా కొడుక్కి పెద్ద హీరోని. బాగా స్ట్రగులయ్యే క్యారెక్టర్. ప్రతి మనిషికి స్ట్రగుల్స్ సహజం. అయితే ఎన్ని ఇబ్బందులున్నా నవ్వుతూ ముందుకు సాగాలనే కాన్సెప్ట్ చాలా బాగుంటుంది. డైరెక్షన్ డిపార్ట్ మెంట్, ప్రొడక్షన్ అందరూ చాలా డెడికేషన్ తో పనిచేశారు. అరుణ్ ప్రసాద్ ఈ చిత్రం తర్వాత చాలా పెద్ద డైరెక్టర్ అవుతారు. అలాగే శుభలగ్నం చిత్రంలో ఆమని తరహా పాత్రను నీలిమ బాగా చేసింది. మాస్టర్ అతులిత్ చాలా కాన్ఫిడెంట్ గా తన పాత్రను పోషించారు' అని ఆయన చెప్పారు. జగపతిబాబుతో సినిమా చేయాలని చాలాకాలంగా తనకు ఉండేదనీ, ఇప్పుడు ఈ చిత్రాన్ని రిలీజ్ చేసే అవకాశం రావడం చాలా సంతోషంగా ఉందనీ నట్టికుమార్ తెలిపారు. ఈ చిత్రంలోని ఇతర పాత్రల్లో ఆలీ, ఎమ్మెస్ నారాయణ, జయప్రకాష్ రెడ్డి, తెలంగాణ శకుంతల, ఝాన్సీ, బెనర్జీ, సత్యం రాజేష్, మున్నా వేణు తదితరులు నటించారు. భరణి కె.ధరన్ సినిమాటోగ్రఫీ, రామ్-లక్ష్మణ్ పైట్స్, బస్వా పైడిరెడ్డి ఎడిటింగ్, హేమచంద్ర సంగీతం అందించారు.