నిన్న 'మంత్ర' నేడు 'మంగళ'

'అనుకోకుండా ఒకరోజు' తర్వాత ఛార్మి కెరీర్ కు మంచి బ్రేక్ ఇచ్చిన చిత్రం 'మంత్ర'. లేడీ ఓరియెంటెడ్ చిత్రాల్లో ఇదొక సంచలనం. అగ్రహీరోల సినిమాలకు ఏమాత్రం తగ్గకుండా ఈ చిత్రానికి భారీ ఓపినింగ్స్ వచ్చాయి. ఆ చిత్రం లైన్స్ లోనే 'అనసూయ', 'అరుంధతి' చిత్రాలు ప్రేక్షకుల ముందుకు వచ్చి మంచి విజయం సాధించాయి. 'మంత్ర' చిత్రాన్ని తొలి ప్రయత్నంగా నిర్మించి సక్సెస్ సాధించిన తులసీరామ్ ఇప్పుడు మరోసారి ఛార్మినే కథానాయికగా ఎంపిక చేసి ఓ సరికొత్త సస్పెన్స్ థ్రిల్లర్ కు శ్రీకారం చుట్టబోతున్నారు. దీనికి 'మంగళ' అనే టైటిల్ ను ఖరారు చేశారు.'మంత్ర' విజయపరంపర కొనసాగేందుకు 'మ' అక్షరం కలిసొచ్చేలా ఈ టైటిల్ ను ఆయన ఎంచుకున్నట్టు అనుకోవచ్చు. ఈ చిత్రం రెగ్యులర్ షూటింగ్ జనవరి నుంచి ప్రారంభించేందుకు తులసీరామ్ సన్నాహాలు చేస్తున్నారు. ఈ చిత్రానికి సంబంధించిన నటీనటులు, ఇతర సాంకేతిక నిపుణుల వివరాలు త్వరలోనే తెలియజేస్తామని ఆయన పేర్కొన్నారు. ఛార్మి నటించిన 'మాయగాడు', 'సయ్యాట' చిత్రాలు, కన్నడ అనువాద చిత్రం 'జాదూగాళ్లు' విడుదలకు సిద్ధమవుతుండగా, 'అగాథన్' అనే మలళాయ చిత్రం ప్రోగ్రస్ లో ఉంది.