ఫీల్ మై లవ్ అంటూ 'ఆర్య' చిత్రంలో అల్లు అర్జున్ చేసిన అల్లరి అప్పట్లో ప్రేక్షకులను ఉర్రూతలూగించింది. అల్లు అర్జున్ తో పాటు దర్శకుడు సుకుమార్ కు కూడా ఆ చిత్రం మంచి సక్సెస్ ను అందించింది. ఇప్పుడు ఇదే కాంబినేషన్ లో 'ఆర్య2' ప్రేక్షకుల ముందుకు రాబోతోంది. అల్లు అర్జున్, కాజల్ జంటగా నటిస్తున్నారు. నవదీప్, శ్రద్ధాదాస్ మరో జంటగా నటిస్తున్నారు. ఆదిత్య ఆర్ట్స్ పతాకంపై ఆదిత్యబాబు, భోగవల్లి ప్రసాద్ సంయుక్తంగా నిర్మిస్తున్నారు. సినిమాలో మరో కీలక జంటగా నవదీప్, శ్రద్ధదాస్ నటిస్తున్నారు.ఆదిత్యబాబు ఆ వివరాలను వెల్లడిస్తూ, అల్లు అర్జున్ గతంలో నటించిన 'ఆర్య' స్టయిల్ లోనే ఈ సినిమా ఉటుందనీ, అయితే 'ఆర్య' కథకు మాత్రం ఇది కొనసాగింపు కాదనీ చెప్పారు. కథ, కథనాలు ఈ చిత్రానికి ప్రధాన బలమనీ, అల్లు అర్జున్ పాత్ర సినిమాకి హైలైట్ గా ఉంటుందనీ తెలిపారు. తొలి వెర్షన్ కు సంగీతం అందించిన దేవీశ్రీ ప్రసాద్ ఈ చిత్రానికి కూడా చక్కటి బాణీలు అందించారనీ, నవంబర్ 1న సోనీ మ్యూజిక్ ద్వారా ఆడియో విడుదల చేస్తామనీ చెప్పారు. అదే నెల రెండో వారంలో సినిమా రిలీజ్ కు ప్లాన్ చేస్తున్నట్టు తెలిపారు. ఆర్య-2లో అల్లు అర్జున్ చేసే ప్రతి పని కొత్తగా ఉంటుందనీ, అది ప్రేక్షకులను అలరిస్తుందనీ దర్శకుడు సుకుమార్ తెలిపారు
No comments:
Post a Comment