గొడవ' చిత్రంతో హీరోగా పరిచయమైన ఎ.కోదండరామిరెడ్డి తనయుడు వైభవ్, 'కొత్త బంగారులోకం', 'రైడ్' చిత్రాలతో యువ హృదయాలను ఆకట్టుకున్న గ్లామర్ నటి శ్వేతాబసు ప్రసాద్ హీరోహీరోయిన్లుగా రూపొందుతున్న యూత్ ఫుల్ ఎంటర్ టైనర్ 'కాస్కో'. కె.ఫిలింస్ పతాకంపై ఎ.కోదండరామిరెడ్డి సమర్పణలో ఎ.భారతి ఈ చిత్రాన్ని నిర్మించారు. జి.నాగేశ్వరరెడ్డి దర్శకుడు. ఈ చిత్రం నిర్మాణాంతర కార్యక్రమాలు పూర్తి చేసుకుంటూ విడుదలకు సిద్ధమవుతోంది. ఈనెల 18న ఈ చిత్రాన్ని విడుదల చేసేందుకు ప్లానింగ్ జరుగుతోంది.సీత జాడ తెలుసుకునేందుకు రావణుని వెతుక్కుంటూ రాముడు వెళ్లినట్టు ఇందులో కథానాయకుడు కూడా ప్రతినాయకుడి కోసం వెతుక్కుంటూ వెళ్తాడనీ, ఆపదలో చిక్కుకున్న ప్రియురాలని కాపాడేందుకు ప్రియుడు చేసే ప్రయత్నాలే ఈ చిత్ర ఇతివృత్తమనీ దర్శకుడు నాగేశ్వరరెడ్డి తెలిపారు. వైభవ్ కెరీర్ లో ఈ చిత్రం ఓ మైలురాయిగా నిలిచిపోతుందనీ, ఈ చిత్రంతో దర్శకుడుగా తనకు సరైన బ్రేక్ వస్తుందనే గట్టి నమ్మకం ఉందనీ అన్నారు. నాగేశ్వరరెడ్డి మార్క్ వినోదంతో పాటు అన్ని కమర్షియల్ అంశాలు ఉన్న చిత్రమిదని కోదండరామిరెడ్డి తెలిపారు. ఈ చిత్రంతో వైభవ్ కు మంచి మాస్ హీరో ఇమేజ్ వస్తుందనీ, శ్వేతబసు గ్లామర్ ఈ సినిమాకు ప్రధాన ఆకర్షణ అవుతుందనీ అన్నారు. అలాగే బ్రహ్మానందం ఈ చిత్రంలో ఎక్కువ నిడివి ఉన్న పాత్రను పోషించి నవ్వులవినోదం పంచుతారని అన్నారు. ఇటీవలే విడుదలైన ఆడియోకు మంచి స్పందన వస్తోందన్నారు. ఈ నెలలోనే సినిమా విడుదలకు ప్లాన్ చేస్తున్నామని చెప్పారు. ఈ చిత్రంలోని ఇతర పాత్రల్లో గౌరీపండిట్, ప్రదీప్ రావత్, సలీమ్ పాండ, సలీమ్, శ్రీనివాసరెడ్డి, జయప్రకాష్ రెడ్డి, ఎమ్మెస్ నారాయణ, శ్రీనివాసరెడ్డి, సత్యం రాజేష్, చలపతిరావు తదితరులు నటించారు. గోపీ మోహన్ స్క్రీన్ ప్లే, రవి సంభాషణలు, అఖిలన్ సినిమాటోగ్రఫీ, రామ్ లక్ష్మణ్ -సెల్వ ఫైట్స్, ప్రేమ్ జీ సంగీతం అందించారు.
No comments:
Post a Comment