నవ్వుల ప్యాకేజీ 'అదుర్స్'

శ్రీనువైట్ల స్టైల్ ఆఫ్ మేకింగ్ ఇప్పుడు టాలీవుడ్ లో కాసులు పండిస్తోంది. మాస్ అంశాలతో పక్కా కమర్షియల్ చిత్రాలు అందించే వి.వి.వినాయక్ సైతం ఇటీవల తన రూటు మార్చి హిలేరియస్ ఎంటర్ టైనర్ గా 'కృష్ణ' చిత్రాన్ని అందించి హిట్ కొట్టారు. శ్రీనువైట్ల తరహాలో సినిమా ఉందని అప్పట్లో అందరూ అన్నా సక్సెస్ ఒక్కటే ఎవరికైనా మూలసూత్రం అవుతుంది కాబట్టి వినాయక్ రూట్ మార్చడం ఆశ్చర్యం అనిపించదు. ఇప్పుడు వి.వి.వినాయక్ తన 'అదుర్స్' చిత్రం విషయంలోనూ ఇదే లైన్స్ ఫాలో అయ్యారనీ, సినిమా ప్రథమార్థమంతా నవ్వుల జల్లులు కురుస్తున్నాయనీ, సెకెండాఫ్ వినాయక్ స్టైల్ లో యాక్షన్ ప్యాక్డ్ సన్నివేశాలుంటాయనీ యూనిట్ వర్గాల కథనం.