సిద్దార్ధ హీరోగా 'బావ'

'ఓయ్' చిత్రం తర్వాత సిద్దార్ధ మళ్లీ వరుస సినిమాలకు కమిట్ అవుతున్నారు. ప్రస్తుతం కె.రాఘవేంద్రరావు బ్యానర్ లో ఆయన కుమారుడు ప్రకాష్ దర్శకత్వం వహిస్తున్న సోసియో ఫాంటసీ చిత్రంలో సిద్దార్ధ నటిస్తున్నారు. ఆయనకు జోడిగా శ్రుతి కమల్ హాసన్ నటిస్తున్నారు. ఈ చిత్రం ప్రోగ్రస్ లో ఉండగానే మరో కొత్త చిత్రానికి సిద్దార్ధ కమిట్ అయ్యారు. ఈ చిత్రాన్ని కీర్తి క్రియేష్స్ బ్యానర్ పై ప్రముఖ నిర్మాత ఎం.ఎల్.కుమార్ చౌదరి నిర్మించనున్నారు. ఈ చిత్రం ద్వారా రాంబాబు అనే యువకుడు దర్శకుడిగా పరిచయమవుతున్నారు.కోడిరామకృష్ణ, ప్రభుదేవా వద్ద దర్శకత్వ శాఖలో పనిచేసిన అనుభవం రాంబాబుకు ఉంది. ప్రస్తుతం నటీనటులు ఎంపిక జరుగుతున్న ఈ చిత్రానికి 'బావ' అనే టైటిల్ నిశ్చయించారు. జనవరి 20న ఈ చిత్రం షూటింగ్ ప్రారంభమవుతుంది.